هو واحد زائد واحدة بيساوي كام ؟
-إيه السؤال الغريب دا .. أنا طول عمري باسمعها واحد زائد واحد
قهقه متفاخرا: لا دا مش عندي .. وبعدين هو إحنا ف مدرسة ؟
هتفت مغتاظة: بردو حضرتك بتتريق عليا
-طيب خلاص، بلاش دي .. خلينا ف واحد زائد واحد بتاعت الرياضة هتساوي كام ؟
أجابته بثقة: هتساوي إتنين طبعا
-وإيه الثقة دي كلها ؟ غلط على **رة ..
-إزاي يعني واحد زائد واحد على طول بتساوي إتنين
– في حاجه عايزك تعرفيها كويس .. واحد زائد واحد مش على طول بتساوي إتنين
ضحكت منه ساخرة: لا يا شيخ .. أومال هتساوي كام ؟
-ماهو دا سؤالي يا أم الذكاوه ..
أضاف حينما لمح حنقها المتزايد: طب هأعاونك؛ عشان صعبتي عليا .. أنا زائد إنتي يساوي كام ؟
لوت شفتيها غضبا: كام؟
-أنا زائد إنتي هيساوي أنا وإنتي
ضربت الأرض بقدميها صائحة: ودا إزاي بمشيئة الله؟
– يــــــــــــــوه دا إنتي طالبة بليدة أوي، إزاي إنتي دكتورة .. ها ؟ .. شكلك هتتعبيني معاكي
The post أنا وانتِ يساوي appeared first on عصير الكتب.
المصدر
تنزيل كتاب أنا وانتِ يساوي pdf
تنزيل كتاب أنا وانتِ يساوي pdf
ليست هناك تعليقات:
إرسال تعليق